- ホーム
- > 洋書
- > ドイツ書
- > Humanities, Arts & Music
- > Linguistics
- > romanic linguistics
Description
(Text)
El scopo de'l mètodo EuroCom l'è cuelo de favorir el plurilenguizmo in Europa, consentràndose so le conpetense lenguìsteghe resetive, dezvilupàe contenporaneamente inte le diverse lengue de na fameja lenguìstega.
El EuroCom el ghe demostra a'l studente che grasie a la só lengua mare el pol capir fasilmente testi de na lengua inparentà, anca sensa verla njancora studià.
El EuroCom el sfruta l'intiero patrimonio de conosense che le pol èsar mobilitàe scuazi sensa sforso de inparar. A se motiva cusita el studente a vèrzarse co fasilità e volentiera a le altre lengue e se ghe aumenta asè el só corajo plurilenguìstego.
Un mètodo de alta relevansa europèa.
"I sete tamizi" i te parmete de costruir un ponte sòlido intrà le lengue romanse de l'Europa e in partegolar intrà veneto, franseze, spanjolo, italian, catalan, portogheze e romeno: se A te conosi almanco una de 'ste 7 lengue, co'l mètodo de "I Sete Tamizi" A te gavarè gran fasilitasion e guida par inpararte le altre 6 lengue... anca contenporaneamente!
Dopo aver spiegà le norme univarsale par tute 'ste lengue romanse, A ze prezentà un profilo lenguìstego de onjuna: storia, evolusion, difuzion e sora de tuto strutura primaria de onji lengua, oltre a le só parole-ciave, pì ùtile e pì frecuente.
In partegolar, la varsion veneta la prezenta un studio inprofondìo so la lengua veneta, par la prima volta rento un manuale univarsitario, mostrando anca che el veneto - confrontà a una a una co le altre 6 lengue - el ze propiamente un passepartout par le lengue neolatine.
Co'l mètodo "I Sete Tamizi", le lengue romanse le ze a portada de man.
