- ホーム
- > 洋書
- > ドイツ書
- > Fiction
- > novels, tales and anthologies
Description
(Text)
Auf Weihnåchtn zua is a gaunz a bsundare Zeit. Draußen wirds boid finsta, drinnen zindt ma gern a Licht au. De Gschichtn und Gedaunkn vo dem Buach lådn di zan Nåchdenga und a zan Schmunzln ei. Und se låssn di den Zauba und den Segn vo dera Zeit gspian.
(Table of content)
DRAUSSN WIRDS STADBüdabuachheabstA ValaungaKoihschlågNöbivahaungaNöbitågDezembatågAm FenstaWintawundaWeiße WeihnåchtnA adventlichs LebmsbüdWaun da Winta kummtWintawundawoidI DAZÖH DA WÅSÜban NöbiA bsundara BamWeihnåchtlichs Schaufensta in de weide WödKindheitstramDa Briaf auns ChristkindAdventkalendaEialikörstundnSternsingaAdventmoaktEinigschautAdvent im DorfPåpierenglObm und heruntEikaffa fia WeihnåchtnA neichs Brauchtum im AdventD'WeihnåchtsbeleichtungVor Weihnåchtn bei uns im DorfMusiprob-Gschichtn in da AdventzeitMIA WOATN UND HOFFNWoatn und hoffnAdventkraunzGoidane SpurnAuf Weihnåchtn zuaVaruckt im AdventMittn im AdventFrågnWås Advent is und wås a waIm AdventWaun des LiachtMåch auf dei HerzA gschenkte StundA Liacht foit auf de ZeitAuf HerbergssuachaDåmois wia heitGnådnzeitMariaVO ENGL UND STERNA guada PlåtzSternenzeitA Hümmi volla SternNu oiweiEnglsflüglschlågEnglbegegnungen heitRiah mei Herz auStern vo BetlehemFiacht di nedDa Engl in dirI WÜNSCH DA WÅSZ'WeihnåchtnMittn ins HerzWås i da z'Weihnåchtn wünschFia diAdventbitt aun mein EnglDes mecht i da schenga
(Extract)
KindheitstramGråd in da Vorweihnåchtszeit dengan ma gern aun unsa Kindheit. Aun de Zeit volla Geheimnisse. Aun den Gruch vo de frisch bochan Keks und aun unsa Muatta, wauns gschrian håt: "I siach eich! Finga weg vo de Keks, de gibts eascht z'Weihnåchtn!"Volla Erwoatung und mit Herzklopfm haumma jeds Moi in da Friah hinta d'Vorhäng aufs Fenstabrettl gschaut. Ob des Christkindl woi scho den Briaf mit de Wünsch ghoit håt oda ob ned wenigstns a weiß's oda a goidas Englshoa, des a Engl beim Vorbeifliagn valoan håt, zan Findn wa? De Tåg woan laung, de Nächte a, des Woatn unerträgli!Und daun nu de Soch mitn Nikolaus und seine Krampal! Gfiacht haumma uns! Åba a vor da Hobagoaß und vorn Thaumasnügi in de Rauhnächt. Wüdi Gschichtn haums uns dazöht. Und ausdenkt haumma uns a ollahaund.Auf d'Nåcht san ma ålle rund uman Adventkraunz beinaunda gsessn und haum bet und gsunga. Då håt se daun maunchmoi de gaunze Spaunnung entlådn. Irgendoana håt zan Pfigatzn augfaungt und daun håt se koana vo unsKinda mea hoitn kina. Probiert het mas eh! De Großn haum des goa ned lusti gfundn, haum finsta gschaut und gmoant: "Des håt åwa jetzt des Christkindl gsegn!" Då haumma uns glei wieda zaumgrissn. Mitn Christkindl woit mas uns auf goa koan Foi vascherzn. Denn des hed womegli am Heilign Åbnd koane Geschenke bråcht.Des håt si Joah fia Joah wiedahoit. A heit nu fiaban Kinda da Weihnåcht entgegn. Nu oiwei suachans nåch de Geheimnisse.AdventkraunzJeds Joah bind ma den grean Kraunz.Oi unsare Ängst,oi unsa Bittn,oi unsa Unvamögn,oi unsare Hoffnungen,oi unsare Tram,oi unsa Valaungabind ma eini in den Kraunzund steckan Kerzn auf de greanen Zweigal,damits liacht wird in und um uns.
